Kariakoo Derby Match Preparations for Yanga and Simba

Kocha Mkuu wa Yanga, Manqoba Mngqithi, amesema ana hamu kubwa ya kushuhudia kitakachotokea katika mchezo wake wa kwanza wa Kariakoo Derby dhidi ya Simba, akieleza kuwa maandalizi ya timu yake yamekwenda vizuri licha ya muda mfupi wa kujiandaa. Mngqithi amesema ratiba ya michezo ya mwisho wa wiki imewafanya kupata muda mchache wa maandalizi, huku akibainisha kuwa hali hiyo pia imeikumba Simba. “Hii ni mara yangu ya kwanza kushiriki katika Derby hii, hivyo nina hamu kubwa ya kuona kitakachotokea. Maandalizi yetu yamekwenda vizuri, ingawa hatukupata muda mrefu wa kujiandaa,” alisema Mngqithi.