7-Year-Old Student Killed in Road Accident in Mwanza

Katika tukio jingine, mwanafunzi wa darasa la kwanza, Prosper Msafiri (7), wa Shule ya Msingi Wita, Kisesa, Magu, alifariki Agosti 12 baada ya kugongwa na lori aina ya Scania lililokuwa likitoka Mwanza kuelekea Bariadi. Taarifa hiyo ilieleza kuwa gari hilo la Seedco Tanzania Limited lililokuwa likiendeshwa na Mdamo Nyalwisila (40), mkazi wa Bariadi, lilimgonga Prosper wakati akivuka barabara kuu ya Mwanza–Musoma. Chanzo kimetajwa kuwa uzembe wa dereva kushindwa kuchukua tahadhari eneo la makazi. Baada ya ajali, wananchi walifunga barabara na baadaye kurusha mawe licha ya viongozi kuwaomba watulie na kuahidi kujengwa tuta. Polisi ilitumia mabomu ya machozi kurejesha amani. Dereva amekamatwa kwa hatua za kisheria.