DJ Ally B's 28-Minute Performance at Yanga Day with 19 Songs

Kwenye kilele cha maadhimisho ya Yanga Day, DJ Ally B amethibitisha tena kwanini yeye ni miongoni mwa ma-DJ hatari na wenye ushawishi mkubwa nchini baada ya kuangusha shoo ya kiwango cha juu iliyowashika mashabiki mwanzo hadi mwisho. DJ Ally B aliingia jukwaani kwa mtindo wa tofauti akiwa amevaa kipensi cheusi bila fulana, tayari kutoa burudani ya nguvu. Kwa kutumia mchanganyiko mkali wa nyimbo za Bongo Fleva na Singeli, alifanikiwa kuamsha hisia na msisimko mkubwa katika Uwanja wa Uhuru. Tofauti na ma-DJ wengi, Ally B hakuishia tu kupiga muziki kwenye meza yake; alionyesha umahiri mkubwa wa kucheza na kuingiliana na mashabiki. Aliondoka jukwaani na kuwafuata mashabiki pembezoni mwa majukwaa, akiimba na kucheza nao kwa pamoja na kuongeza hamasa uwanjani hapo. Katika shoo hiyo iliyodumu kwa dakika 28, DJ Ally B alipiga jumla ya nyimbo 19 mfululizo bila kupumzika, jambo lililowafanya mashabiki wengi majukwaani kupagawa kwa furaha na kuimba kila wimbo uliopigwa.